Þegar bifvélavirkinn David Henderson fékk bíl til viðgerðar á verkstæði sem hann starfaði á í Denver í Bandaríkjunum tók hann eftir nokkru grunsamlegu í farangursrými hennar.

Skömmu áður hafði verið framið rán í útibúi í borginni sem selur marijuana. Henderson hafði samband við lögreglu eftir að hafa séð talsvert magn af marijuana og skotvopnum í bílnum.

Það var svo ekki löngu síðar að þessi sami bifvélavirki fannst látinn. Hann hafði verið skotinn tíu sinnum og við rannsókn málsins kom í ljós að hinir grunuðu í ráninu, Terence Jamal Black, 26 ára og móðir hans, Tina Maria Black, höfðu fengið nafn Henderson sent til sín.

Það var svo í vikunni að Terence og Tina voru dæmd í lífstíðarfangelsi án möguleika á reynslulausn fyrir morðið. Í ljós kom að þau höfðu upp á Henderson eftir að hafa fengið nafn hans og skutu hann til bana, allt í þeim tilgangi koma í veg fyrir að vitnað yrði gegn þeim.

Í frétt Denver Post kemur fram að mistök sem þessu séu algengari en fólk gerir sér kannski grein fyrir. Rannsókn leiddi í ljós að 1.500 mál hefðu komið upp í Colorado á síðasta ári þar sem málsgögn rötuðu í rangar hendur.