fbpx
Laugardagur 24.ágúst 2019  |
Pressan

Strangtrúuðum gyðingum fjölgar mikið í Ísrael

Kristján Kristjánsson
Sunnudaginn 3. mars 2019 21:00

Strangtrúaðir gyðingar Fjölgar mikið í Ísrael.

Ekki missa af Helstu tíðindum dagsins í pósthólfið þitt

Lesa nánar

Strangtrúaðir ísraelskir gyðingar eru iðnir við barneignir og fjölgar hlutfallslega meira í þessum samfélagshóp en öðrum. Ef þróunin helst óbreytt má reikna með að 30 prósent Ísraelsmanna teljist strangtrúuð árið 2065. Hjá fjölskyldum strangtrúaðra snýst lífið um að fylgja trúarlegum reglum og hefðum nákvæmlega eftir. Hár karla er látið vaxa í síðum krullulokkum niður eftir vanganum, konurnar taka ekki í hönd ókunnugra karlmanna og drengir eyða nær öllum tíma sínum í trúarlegt nám. Þegar þeir eldast geta þeir stundað frekara nám í trúarlegum menntastofnunum, kollel, af fullum krafti og fá greitt fyrir það frá skólanum. Ekki er óalgengt að níu klukkustundir fari í trúarbragðakennslu í skólum strangtrúaðra á degi hverjum. Síðan er stærðfræði og skrift kennd í eina klukkustund.

Greining frá ísraelsku hagstofunni sýnir að nú eru strangtrúaðir gyðingar 12 prósent af mannfjöldanum en 2027 verði þeir orðnir 15 prósent. Þegar vel verður komið fram á öldina, eða fram á árið 2065, gætu 30 prósent landsmanna verið strangtrúuð ef þróunin heldur áfram á þennan hátt. Ef þessi þróun gengur eftir mun það hafa mikil áhrif á ísraelskt samfélag og verða mikil áskorun, fyrst og fremst efnahagslega séð, því margir strangtrúaðir karlmenn vinna ekki heldur eyða öllum sínum tíma í trúarbragðanám. Aðeins 51 prósent strangtrúaðra gyðinga er með vinnu í Ísrael og 45 prósent strangtrúaðra fjölskyldna teljast fátækar samkvæmt opinberri tölfræði.

Strangtrúaðir ísraelskir gyðingar eignast að meðaltali sjö börn á hverja konu og er það hæsta hlutfall nokkurs þjóðfélagshóps í þróuðu ríkjunum.

En þrátt fyrir spá um að hlutfall strangtrúaðra gyðinga geti verið komið upp í 30 prósent landsmanna árið 2065 eru ekki allir sannfærðir um að svo fari. Nefnt hefur verið til sögunnar að fátækt svona stórs hluta samfélagsins hafi valdið því að bæði hið opinbera og samfélag strangtrúaðra leggi nú meiri áherslu en áður á að fá strangtrúaða karlmenn út á vinnumarkaðinn og til að stunda nám við háskóla. Þá bendir ýmislegt einnig til að sífellt fleiri yfirgefi samfélag strangtrúaðra. En það er þó nokkuð ljóst að strangtrúuðum gyðingum mun fjölga vegna hinnar háu fæðingartíðni.

Strangtrúað par
Hvíldardagurinn Shabbat í Ísrael.

Margar útgáfur af strangri trú

Innan raða strangtrúaðra eru síðan margar mismunandi útgáfur af hvernig lifað er í samræmi við trúna, misstrangar. Hjá þeim allra strangtrúuðustu eru sjónvörp, símar og internet eitthvað sem ekki er notað og hvað þá að slík tæki fái að vera inni á heimilum þeirra. Margir strangtrúaðir viðurkenna ekki tilvist Ísraelsríkis því þeir telja að ekki megi stofna það fyrr en trúarlegur spádómur hefur ræst en hann snýst um að messías þurfi að koma fram á sjónarsviðið áður. Þá neita margir strangtrúaðir að sinna herskyldu og að greiða skatt.

Sumir sérfræðingar telja að menntun sé lausnin á þeim vanda sem Ísrael stendur frammi fyrir vegna hins vaxandi fjölda strangtrúaðra gyðinga. Það verði að koma námi, sem ekki snýr að trú, inn í skóla hinna strangtrúuðu því þá eigi þeir auðveldara með að komast út á vinnumarkaðinn. Þá eru teikn á lofti um að strangtrúaðir gyðingar, sem stunda nám við háskóla, breyti oft um hegðun þrátt fyrir að þeir yfirgefi ekki samfélag strangtrúaðra. Þeir eignast til dæmis færri börn.

Opinberar tölur sýna að fleiri strangtrúaðir stunda nú nám við háskóla en áður og læra um annað en trú sína í skólum. Þessi þróun hefur þó verið upp og ofan og skiptir þá máli hversu mikil áhrif stjórnmálaflokkar strangtrúaðra hafa hverju sinni. Til dæmis hafa þeir sterk ítök í núverandi ríkisstjórn.

 

Tölfræði tengd strangtrúuðum ísraelskum gyðingum

Aðeins 43 prósent strangtrúaðra nota internetið.

Að meðaltali eignast hver kona 7,1 barn.

45 prósent strangtrúaðra fjölskyldna lifa undir fátæktarmörkum.

51 prósent strangtrúaðra karla vinnur en hjá konunum er hlutfallið 73 prósent.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Svartur unglingur stal bjór að andvirði tveggja dollara – Var skotinn til bana

Svartur unglingur stal bjór að andvirði tveggja dollara – Var skotinn til bana
Pressan
Í gær

Franskt par gæti lent í fangelsi í sex ár fyrir sandþjófnað

Franskt par gæti lent í fangelsi í sex ár fyrir sandþjófnað
Pressan
Í gær

Mikil stækkun fyrirhuguð á Gatwick flugvellinum í Lundúnum

Mikil stækkun fyrirhuguð á Gatwick flugvellinum í Lundúnum
Pressan
Í gær

Eftirlýstur barnaníðingur faldi sig neðanjarðar í rúmlega þrjú ár

Eftirlýstur barnaníðingur faldi sig neðanjarðar í rúmlega þrjú ár
Pressan
Fyrir 2 dögum

Frábær hugmynd eða bara klikkun? Vilja nota jörðina sem risastóran stjörnusjónauka

Frábær hugmynd eða bara klikkun? Vilja nota jörðina sem risastóran stjörnusjónauka
Pressan
Fyrir 2 dögum

Vandræðaleg bilun í bílastæðahúsi – 18 bílar fastir inni vikum saman

Vandræðaleg bilun í bílastæðahúsi – 18 bílar fastir inni vikum saman
Pressan
Fyrir 2 dögum

12 ára piltur fann risastóra tönn

12 ára piltur fann risastóra tönn
Pressan
Fyrir 2 dögum

Eggjasuðan gæti kostað hana sjónina

Eggjasuðan gæti kostað hana sjónina