Stúlkan var svört, um 130 sm á hæð og um 30 kíló. LA Times hefur eftir Scott Hoglund, hjá lögreglunni, að engin merki hafi sést á líkinu um vannæringu eða ofbeldi.
Líkinu hafði verið komið fyrir í svartri ferðatösku á hjólum.
Það var borgarstarfsmaður sem fann líkið þegar hann var að vinna við hreinsun á svæðinu á þriðjudaginn. Stúlkan var í bleikri peysu með áletruninni: „Future Princess Hero“.
Hoglund sagði að andlát stúlkunnar væri rannsakað sem dularfullt andlát. Engin ummerki væru um ofbeldi á líkinu.
„Við höfum ekki hugmynd um hver hún er.“
Sagði hann.
Líkið verður krufið fljótlega og vonast lögreglan til að fá þá frekari niðurstöður um dánarorsök stúlkunnar.
Málið og kringumstæðurnar þykja mjög óvenjulegar. Dan Scott, sem vann lengi við rannsóknir á morðum og ofbeldi gegn börnum í Los Angeles, sagði í samtali við LA Times að kringumstæðurnar í þessu máli væru mjög óvenjulegar.
„Það er mjög sjaldgæft að barnslíki sé hent svona. Ég man ekki eftir slíku máli á undanförnum árum.“
Hann sagði að yfirleitt væri það þannig að þegar ættingjar barns myrða það þá grafi þeir líkið yfirleitt eða reyni að fela líkið á annan hátt.
Lögreglan mun reyna að bera kennsl á líkið út frá erfðasýnum og með því að bera saman skrár um týnt fólk sem og nemendaskrár skóla. Þá verður reynt að finna DNA úr öðrum á líki stúlkunnar í þeirri von að það geti vísað á fólk sem veit eitthvað um málið og örlög litlu stúlkunnar.