Grikkinn Antonis Mavropoulos má vera þakklátur fyrir það að vera enn á lífi því hann var tveimur mínútum of seinn í flug Ethiopian Airlines, ET 302, í gærmorgun.
Eins og kunngt er fórst vélin skömmu eftir flugtak frá Addis Ababa í Eþíópíu með þeim afleiðingum að 149 farþegar létust og 8 manna áhöfn.
Búið var að loka hliðinu í vélina þegar Antonis ætlaði að fara um borð. „Ég var reiður því vildi enginn neitt fyrir mig gera þegar búið var að loka hliðinu,“ sagði Antonis í Facebook-færslu sem, eðli málsins samkvæmt, hefur vakið talsverða athygli.
Antonis er forseti International Solid Waste Association og var hann á leið til Nairobi í Kenía til að taka þátt í ráðstefnu á vegum Sameinuðu þjóðanna.
Í færslunni segir Antonis að ótrúlegt sé að hugsa til þess að hann hefði átt að vera um borð í vélinni. „Í dag er happadagurinn minn,“ sagði hann í færslunni.
Antonis pantaði sér aðra flugferð í stað þeirrar sem hann missti af. Áður en að því flugi kom komst hann að því að vél Ethiopean Airlines hafði farist.
Antonis komst að því þegar lögreglumenn nálguðust hann á flugvellinum. Antonis var bannað að fara um borð í seinni vélina á þeim forsendum að hann var sá eini sem átti bókað far með vélinni sem fór ekki um borð.
„Þeir fóru með mig á lögreglustöð flugvallarins. Lögregluþjónninn sagði mér að mótmæla ekki heldur frekar þakka Guði,“ segir hann áður en hann fékk fréttirnar af örlögum vélarinnar.
„Þeir sögðust ekki geta hleypt mér áfram fyrr en þeir væru búnir að skoða mig gaumgæfilega,“ segir hann en þegar það var búið fékk hann að halda ferð sinni áfram.
Eins og að framan greinir létust 157 í slysinu en farþegar vélarinnar voru frá yfir 30 löndum, Norðurlöndunum meðal annars.