fbpx
Miðvikudagur 20.mars 2019
Pressan

18 ára fyrirsæta lést við dularfullar kringumstæður – Ný gögn auka enn á vangavelturnar

Kristján Kristjánsson
Þriðjudaginn 12. mars 2019 05:58

Ivana Smit.

Ekki missa af Helstu tíðindum dagsins í pósthólfið þitt

Lesa nánar

Þann 7. desember 2017 fannst lík Ivana Smit, 18 ára hollenskrar fyrirsætu, á svölum á sjöttu hæð lúxushótels í Kuala Lumpur í Malasíu. Hún var nakin. Ljóst var að hún hafði hrapað töluverða vegalengd áður en hún lenti á svölunum. Allt frá því að líkið fannst hafa verið uppi vangaveltur um hvað gerðist en vitað er að Smit var í lúxussvítu á tuttugustu hæð hótelsins. Mörgum spurningum er ósvarð í málinu og nú hefur það flækst enn meira.

Samkvæmt frétt Daily Mail þá var Ivana Smit mjög eftirsótt fyrirsæta og ferðaðist hún um allan heim til að koma fram á tískusýningum, sitja fyrir og sækja samkvæmi.

Líf hennar endaði þó aðfaranótt 7. desember 2017. Hún var í samkvæmi með bandaríska parinu Alexander Amado Johnson og Luna Almaz. Þau buðu henni síðan með upp í lúxussvítu sína á tuttugustu hæð hótelsins sem þau gistu á. Þar stunduðu þau öll kynlíf saman.

Snemma morguns fannst lík Ivana Smit á svölum á sjöttu hæð hótelsins. Lögregluna grunaði að bandaríska parið vissi eitthvað um dauða Smit en engin sönnunargögn fundust sem tengdu þau við andlát hennar.

Í síðustu viku lágu síðan endanlega fyrir niðurstöður rannsókna réttarmeinafræðinga í Hollandi og Malasíu á líki Smit. Samkvæmt þeim þá var hún látin þegar hún hrapaði niður af tuttugustu hæð. Líkið bar þess merki að átök hefðu átt sér stað. Hún var með áverka á handlegg, höfði og skurði á líkamanum eftir brotnar flöskur. Auk þess fannst DNA úr Alexander Amado Johnson undir nöglum hennar.

Mahyon Talib, réttarmeinafræðingur, segir að erfitt sé að segja til með fullri vissu um hvað gerðist í lúxussvítunni en ýmislegt bendi til að Ivana Smit hafi dáið í henni.

Ekki er enn vitað hvort bandaríska parið átti hlut að máli.

Foreldrar Smit og lögmaður þeirra trúa ekki að andlát hennar hafi verið slys.

„Látin manneskja getur ekki kastað sér fram af svölum. Það hljóta að vera einn eða fleiri sem hentu henni fram af þeim.“

Segir lögmaður fjölskyldunnar.

Alexander Amado Johnson og Luna Almaz fóru til Bandaríkjanna skömmu eftir að málið kom upp og hafa ekki verið yfirheyrð á nýjan leik.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Gisle vaknaði við hávaða í húsinu – Var nærri drepinn af innbrotsþjófi

Gisle vaknaði við hávaða í húsinu – Var nærri drepinn af innbrotsþjófi
Pressan
Í gær

Svona vinna svikahrapparnir sem herja á saklausa borgara: „Var hann hræddur? Já, hann var skíthræddur“

Svona vinna svikahrapparnir sem herja á saklausa borgara: „Var hann hræddur? Já, hann var skíthræddur“
Pressan
Fyrir 2 dögum

Vill nota sérstaka kannabisrafmynt

Vill nota sérstaka kannabisrafmynt
Pressan
Fyrir 2 dögum

Þetta er maðurinn sem er grunaður um árásina í Utrecht – Þrír látnir og níu særðir

Þetta er maðurinn sem er grunaður um árásina í Utrecht – Þrír látnir og níu særðir
Pressan
Fyrir 2 dögum

Grunaður raðmorðingi handtekinn í Kaupmannahöfn – Minnst þrjú fórnarlömb – Óttast að þau séu mun fleiri

Grunaður raðmorðingi handtekinn í Kaupmannahöfn – Minnst þrjú fórnarlömb – Óttast að þau séu mun fleiri
Pressan
Fyrir 2 dögum

Hún lést 27 klukkustundum eftir fæðinguna – Eitthvað sagði manninum hennar að fara beint í tölvuna hennar

Hún lést 27 klukkustundum eftir fæðinguna – Eitthvað sagði manninum hennar að fara beint í tölvuna hennar