Norska ríkisútvarpið skýrir frá þessu. Fram kemur að illa særða manneskjan hafi verið flutt rakleiðis á sjúkrahús en ekki hafa fengist nánari upplýsingar um áverka hennar.
Haft er eftir talsmanni lögreglunnar að andlátið sé grunsamlegt. Lögreglan segist ekki enn vita hvort og þá hvernig fólkið og atburðirnir tengjast en telur líklegt að tengsl séu á milli.
Það var tilviljun sem réði því að fólkið fannst. Lögreglumenn voru á eftirlitsferð í hverfinu þegar þeim var veifað af vegfaranda sem benti þeim á illa særðu manneskjuna. Þegar lögreglumenn fóru inn í húsið fundu þeir líkið. Um tvo karla og eina konu er að ræða.
Lögreglan segist ekki vita með vissu hvaða fólk þetta er en segist hafa grun um það.