Undir venjulegum kringumstæðum er farþegaþotum ekki snúið við ef farþegar gleyma einhverju á flugvellinum. En þegar um jafn verðmætan varning og manneskju er að ræða gilda önnur lögmál.

Þessu fengu farþegar og áhöfn í vél Saudi Arabian Airlines að kynnast á laugardag þegar flugvél félagsins, sem var á leið frá Jeddah í Sádi-Arabíu til Kuala Lumpur í Malasíu, var snúið við.

Kona um borð hafði þá áttað sig á því að barn hennar hafi orðið eftir á flugvellinum. Hún lét áhöfn vélarinnar vita sem brást skjótt við og kom skilaboðunum áleiðis til flugstjórans. Ekki kemur fram í frétt Gulf News hvort vélin hafi verið komin í loftið eða hvort vélin hafi verið að búa sig undir flugtak. Farþegar vélarinnar voru þó allir komnir um borð – nema litla barnið.

Flugstjórinn hafði samband við flugturninn á flugvellinum í Jeddah og bað um leyfi til að snúa við. Honum var veitt leyfið skömmu síðar og fór móðirin frá borði og sótti barnið. Allt þetta mustang varð til þess að komu vélarinnar til Kuala Lumpur seinkaði um eina klukkustund.