Gavin Newsom, ríkisstjóri í Kaliforníu, ætlar að stöðva aftökur í ríkinu og milda refsingar þeirra 737 fanga sem sitja nú á dauðaganginum svokallað í ríkinu og bíða aftöku.

BBC segir að Newsom ætli að undirrita tilskipun þessa efnis. Þar mun koma fram að dauðarefsingar „séu ekki samræmi við undirstöðugildi samfélagsins“.

Engin hefur verið tekinn af lífi í Kaliforníu síðan 2006 en mörg dómsmál vegna aftökuaðferða hafa staðið yfir á þessum tíma. Newson ætlar að milda refsingar hinna dauðadæmdu, að minnsta kosti til bráðabirgða, en enginn verður látinn laus.

Frá 1978 hafa rúmlega 900 manns verið dæmdir til dauða í Kaliforníu en aðeins 13 þeirra hafa verið teknir af lífi. 79 létust af eðlilegum orsökum og 26 tóku eigið líf.