Frank Cali, leiðtogi Gambino mafíunnar í New York, var skotinn til bana fyrir utan heimili sitt í New York í gærkvöldi að staðartíma. Cali, sem var 53 ára, var skotinn mörgum skotum fyrir utan heimili sitt á Staten Island. Hann var úrskuraður látinn eftir að komið var með hann á sjúkrahús. Morðinginn er sagður hafa flúið af vettvangi í bláum bíl.

BBC skýrir frá þessu. Þetta er fyrsta morðið á mafíuleiðtoga í New York síðan 1985. Gambino-fjölskyldan er ein af fimm ítölsk/bandarískum mafíum í New York.

Vitni segja að Cali hafi veri skotinn að minnsta kosti sex skotum og að síðan hafi morðinginn ekið yfir hann. Ættingjar komu hlaupandi út og sátu grátandi við hlið Cali að sögn vitna.

Lögreglan segist ekki vita af hverju Cali var myrtur. Hann hafði verið við stjórnvöl mafíuveldis Gambino-fjölskyldunnar síðan 2015.