fbpx
Miðvikudagur 20.mars 2019
Pressan

Hryðjuverk í tveimur moskum á Nýja-Sjálandi – Margir myrtir

Kristján Kristjánsson
Föstudaginn 15. mars 2019 04:13

Skjáskot af útsendingu ABC frá því á föstudaginn.

Ekki missa af Helstu tíðindum dagsins í pósthólfið þitt

Lesa nánar

Lögreglan í Christchurch á Nýja-Sjálandi segir að margir hafi verið myrtir í árásum á tvær moskur þar í nótt að íslenskum tíma, síðdegis að staðartíma. Einn er í haldi lögreglunnar vegna árásanna en lögreglan telur að fleiri hafi verið að verki. Öllum skólum í borginni hefur verið lokað og þungvopnaðir lögreglumenn hafa tekið sér stöðu á mikilvægum stöðum í borginni.

Mike Bush, lögreglustjóri, sagði að alvarlegir atburðir séu nú að eiga sér stað í borginni. Lögreglan hafi brugðist við af öllum mætti en mikið hættuástand ríki í borginni.

Sky skýrir frá þessu. Svo virðist sem árásarmaður hafi sent út í beinni útsendingu á samfélagsmiðlum þegar hann fór inn í mosku með skotvopn á lofti. Moskur í borginni hafa verið hvattar til að loka og fólk hefur verið beðið að halda sig fjarri þeim.

The Guardian hefur eftir lögreglunni að á öðrum stað í borginni hafi fundist sprengja í bíl.

Ekki hefur verið gefið út hversu margir eru látnir og slasaðir en vitni sagði AP að tugum skota hafi verið hleypt af. Tugir fólks eru að jafnaði við bænahald síðdegis. Vitnið segir að skothríðin hafi varað í um 20 mínútur og að byssumaðurinn hafi gengið skipulega til verks og farið á milli herbergja í moskunni.

Skotárásir sem þessar, þar sem ráðist er á fjölda manns í einu, eru afar sjaldgæfar á Nýja-Sjálandi. Síðast gerðist það 1990 í litla þorpinu Aramoana þar sem 13 voru skotnir til bana auk árásarmannsins.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Gisle vaknaði við hávaða í húsinu – Var nærri drepinn af innbrotsþjófi

Gisle vaknaði við hávaða í húsinu – Var nærri drepinn af innbrotsþjófi
Pressan
Í gær

Svona vinna svikahrapparnir sem herja á saklausa borgara: „Var hann hræddur? Já, hann var skíthræddur“

Svona vinna svikahrapparnir sem herja á saklausa borgara: „Var hann hræddur? Já, hann var skíthræddur“
Pressan
Fyrir 2 dögum

Vill nota sérstaka kannabisrafmynt

Vill nota sérstaka kannabisrafmynt
Pressan
Fyrir 2 dögum

Þetta er maðurinn sem er grunaður um árásina í Utrecht – Þrír látnir og níu særðir

Þetta er maðurinn sem er grunaður um árásina í Utrecht – Þrír látnir og níu særðir
Pressan
Fyrir 2 dögum

Grunaður raðmorðingi handtekinn í Kaupmannahöfn – Minnst þrjú fórnarlömb – Óttast að þau séu mun fleiri

Grunaður raðmorðingi handtekinn í Kaupmannahöfn – Minnst þrjú fórnarlömb – Óttast að þau séu mun fleiri
Pressan
Fyrir 2 dögum

Hún lést 27 klukkustundum eftir fæðinguna – Eitthvað sagði manninum hennar að fara beint í tölvuna hennar

Hún lést 27 klukkustundum eftir fæðinguna – Eitthvað sagði manninum hennar að fara beint í tölvuna hennar