Í síðustu viku byrjuðu íbúar í einu húsi að fá dularfull skilaboð, skrifuð á klósettpappír, inn um svefnherbergisgluggann. Þeir áttuðu sig ekki á alvarleika málsins fyrr en fjölmennt lögreglulið mætti á vettvang.
Meðal þess sem stóð á pappírnum var: „Það er af því að ég fæ ekkert að borða sem ég spurði hvort þið séuð ekki með daglega afganga af matnum ykkar. Gerið það. Ég bið ykkur.“
Í samtali við Skive-Folkeblad sögðu nágrannarnir að þeir hafi ekki haft hugmynd um hvað var í gangi í húsinu og þetta hafi komið þeim algjörlega í opna skjöldu.
„Stúlkan var með mjög mjóa fótleggi en annars sáum við hana ekki svo vel því hún var í hettupeysu eða með jakka yfir höfðinu. Hundurinn urraði oft að manni en þegar gengið var að honum varð hann hræddur. Hann var mjög hræddur, ég held að honum hafi ekki liðið vel.“
Sagði nágranni.
Konan sem um ræðir er 23 ára. Lögreglan telur að henni hafi verið haldið fanginni í húsinu og hafi sætt margskonar ofbeldi, likamlegu og andlegu.
Lögreglan segir að hún hafi ítrekað verið laminn í andlit og líkama. Kyrkingartak var tekið um háls hennar og sparkað var í hana. Lögreglan telur einnig að hundurinn hafi margoft verið látinn bíta konuna. Einnig var hún skotin með paintballbyssu.
Á meðan á prísundinni stóð var konunni neitað um mat og drykk um hríð og henni var meinað að fara á klósettið. Hún hefur legið á sjúkrahúsi síðan hún var frelsuð.
Þrír karlar, 23, 25 og 27 ára, og 18 ára kona hafa verið úrskurðuð í gæsluvarðhald vegna málsins.
