Þegar Minnie Graham, 98 ára, sagði ættingjum sínum að starfsfólkið á dvalarheimilinu væri vont við hana vissi fjölskyldan eiginlega ekki hverju hún átti að trúa en var um leið óttaslegin yfir velferð gömlu konunnar. Ættingjarnir fóru að finna marbletti og aðra áverka á líkama hennar og vakti það eðlilega miklar áhyggjur.

Þeir ræddu málið strax við stjórnendur á dvalarheimilinu en fengu þær upplýsingar að Minnie hefði dottið út úr hjólastólnum sínum.

En fljótlega fjölgaði áverkunum á líkama Minnie og eitt sinn var hún með sprungna vör. Enn á ný fengust þau svör að hún hefði dottið út úr hjólastólnum sínum. Það er auðvitað ekki óalgengt að eldra fólk detti og meiði sig en þar sem Minnie hélt fast við að starfsfólkið kæmi illa fram við hana voru ættingjarnir fullir efasemda um skýringar starfsfólksins.

Dóttir hennar fékk þá hugmynd og ákvað að setja upp falda myndavél í herbergi Minnie til að geta séð hvað væri í raun og veru í gangi þegar Minnie var ein með starfsfólkinu.

Upptakan var hræðilegri en ættingjarnir höfðu átt von á. Á henni má sjá hversu harkalega tveir starfsmenn tóku á Minnie, toguðu í hana og slógu. Hægt er að sjá hluta af upptökunni í myndbandinu hér fyrir neðan.

Starfsmennirnir voru kærðir og misstu báðir vinnuna.