Lögreglan taldi stúlkuna vera átta til þrettán ára gamla og hafi lík hennar verið búið að vera í ferðatöskunni í fjóra daga áður en það fannst. Höfuð og hlutar af efri hluta líkamans stóðu út úr töskunni. Líkið var í bleikri síðermapeysu með áletruninni „Future Princes Hero, og svörtum og hvítum buxum með pandamyndum.
Lögreglan birti teikningu af stúlkunni og biðlaði til almennings um aðstoð við að komast að hver hún væri.
Þann 11. mars lá ljóst fyrir að stúlkan hét Trinity Love Jones og var hún 9 ára þegar hún var myrt. Það var teikningin sem kom lögreglunni á sporið því einn uppljóstrara lögreglunnar kannaðist við stúlkuna og gat sagt hver hún var. Hann vissi þó ekki hvar móðir hennar væri.
En lögreglunni tókst að hafa upp á móður hennar, Taquesta Graham, 28 ára, þar sem hún var í haldi lögreglunnar vegna annars máls. Hún er grunuð um að hafa orðið dóttur sinni að bana. Unnusti hennar, Emiel Hunt, 38 ára, er einnig grunaður um aðild að málinu og hefur hann verið handtekinn. Þau sitja í gæsluvarðhaldi.
Lögreglan telur að þau hafi myrt Trinty þann 1. mars og losað sig við líkið sama dag.
Hunt á 55 ára fangelsi yfir höfði sér en Taquesta á 28 ára fangelsi yfir höfði sér.
Hunt hefur áður hlotið dóm fyrir ofbeldi og kynferðisofbeldi gegn barni en hann var dæmdur í 12 ára fangelsi 2005 fyrir slíkt brot. Taquesta hefur hlotið dóm fyrir vændi.
