fbpx
Föstudagur 19.apríl 2019
Pressan

Ótrúleg hetjudáð 13 ára pilts -Bjargaði 50 skólabörnum sem átti að myrða á Ítalíu

Kristján Kristjánsson
Föstudaginn 22. mars 2019 05:59

Ramy, bíllinn og bílstjórinn.

Ekki missa af Helstu tíðindum dagsins í pósthólfið þitt

Lesa nánar

13 ára piltur, Ramy Shehata, er hylltur sem hetja á Ítalíu eftir dramatíska björgun 51 skólabarns á miðvikudaginn. Bílstjóri skólabíls hafði tekið þau sem gísla og ekið með þau langt frá þeirri leið sem hann átti að aka. Hann hafði byrgt fyrir dyr skólabílsins og ætlaði að kveikja í honum og brenna börnin lifandi.

Bílstjórinn, Ousseynou Sy, sagðist með þessu vera að mótmæla dauða flóttafólks á Miðjarðarhafi.

Þegar lögreglan stöðvaði akstur skólabílsins eftir 40 mínútna ferð var börnunum bjargað út um afturenda bílsins eftir að lögreglan hafði brotið rúðurnar. Bílstjórinn hafði áður lokað dyrunum með keðjum og helt bensíni yfir stóra hluta af bílnum. Þegar hann stóð andspænis lögreglunni kveikti hann í bílnum sem er ónýtur eftir brunann.

„Ég vil að þessu ljúki. Við verðum að stöðva dauða flóttamanna á Miðjarðarhafi.“

Öskraði hann að sögn ítalskra fjölmiðla.

Hann er frá Senegal en er ítalskur ríkisborgari og býr í Cremona með eiginkonu og tveimur börnum. Hann hefur unnið fyrir rútufyrirtækið í 15 ár án þess að nokkuð hafi komið upp á. Hann verður nú meðal annars ákærður fyrir mannrán og tilraun til fjöldamorðs.

Matteo Salvini, innanríkisráðherra, segir að Ousseynou hafi áður hlotið dóm fyrir kynferðisbrot og akstur undir áhrifum áfengis.

Ramy var í skólabílnum þegar Ousseynou byrgði dyrnar og tók farsímana af öllum börnunum og þeim fullorðnu sem einnig voru í bílnum. Ramy tókst að fela farsíma sinn segir í umfjöllun BBC.

„Hann er hetjan okkar.“

Sagði einn bekkjarfélagi hans eftir frelsunina.

Ramy hringdi í föður sinn en lést vera að biðja bænir á arabísku til að blekkja Ousseynou. Þegar faðir hans svaraði sagði Ramy honum málavöxtu og faðirinn hafði síðan samband við lögregluna sem brást að vonum skjótt við.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Ein lengsta aparóla heims slitnaði með skelfilegum afleiðingum

Ein lengsta aparóla heims slitnaði með skelfilegum afleiðingum
Pressan
Í gær

Ríkasti maður Kína: „72 tíma vinnuvika er gjöf“

Ríkasti maður Kína: „72 tíma vinnuvika er gjöf“
Pressan
Fyrir 2 dögum

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar
Pressan
Fyrir 2 dögum

Í mál við mömmu og pabba því þau hentu klámsafninu

Í mál við mömmu og pabba því þau hentu klámsafninu