fbpx
Föstudagur 19.apríl 2019
Pressan

Eldar og óeirðir í Kaupmannahöfn í gærkvöldi og nótt – 23 handteknir

Kristján Kristjánsson
Mánudaginn 15. apríl 2019 05:59

Óeirðir í Kaupmannahöfn í nótt.

Ekki missa af Helstu tíðindum dagsins í pósthólfið þitt

Lesa nánar

Lögreglan í Kaupmannahöfn handtók 23 síðdegis í gær og gærkvöldi en miklar óeirðir voru víða í borginni og eldar loguðu víða. Ró komst á, að mestu leyti, upp úr miðnætti að sögn lögreglunnar. Þó hafa vandræðaseggir kveikt litla elda hér og þar í alla nótt en ekki hefur komið til beinna átaka á milli þeirra og lögreglunnar.

Ekstra Bladet hefur eftir Allan Wadsworth-Hansen, talsmanni lögreglunnar, að hinir handteknu eigi yfir höfði sér kærur vegna ýmissa brota, allt frá ofbeldi gegn opinberum starfsmanni til íkveikju og að hafa ekki hlýtt fyrirmælum lögreglunnar.

Óeirðirnar hófust á þriðja tímanum í gær á Norðurbrú. Þar stóð Rasmus Paludan, stofnandi öfgahægriflokksins Stram Kurs, fyrir mótmælum. Hann hafði boðað til mótmæla þar en hann er iðinn við að mótmæla. Á Norðurbrú er hátt hlutfall íbúa innflytjendur og múslimar en stefna flokks Paludan er að stöðva komu innflytjenda til Danmerkur og takast á við hina svokölluðu Íslamsvæðingu sem hann segir vera að eiga sér stað.

Paludan stóð á Blågårds Plads með kóran í hönd og flutti boðskap sinn. Um klukkan 14.30 greip lögreglan inn í mótmælin þegar ráðist var á mótmælendur en fjöldi ungra innflytjenda, karlmanna, hafði safnast saman á staðnum. Í kjölfarið réðust innflytjendurnir á lögregluna. Talsmaður lögreglunnar sagði í samtali við Danska ríkisútvarpið að það hefðu verið ungmenni, sem eiga erfitt með að fóta sig í lífinu og aðrir, sem tengjast skipulögðum glæpasamtökum, sem réðust á lögregluna.

Óeirðirnar breiddust síðan út frá Blågårds Plads til annarra svæða á Norðurbrú og síðan til Kristjaníu í gærkvöldi. Lögreglan beitti táragasi og kylfum og um tíma voru lögreglumenn með skotvopn á lofti en þá sóttu óeirðarseggir harkalega að þeim.

Í tilkynningu á Twitter sagði lögreglan nú fyrir stundu að 23 hafi verið handteknir og að gæsluvarðhalds verði krafist yfir sex þeirra síðar í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Ein lengsta aparóla heims slitnaði með skelfilegum afleiðingum

Ein lengsta aparóla heims slitnaði með skelfilegum afleiðingum
Pressan
Í gær

Ríkasti maður Kína: „72 tíma vinnuvika er gjöf“

Ríkasti maður Kína: „72 tíma vinnuvika er gjöf“
Pressan
Fyrir 2 dögum

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar
Pressan
Fyrir 2 dögum

Í mál við mömmu og pabba því þau hentu klámsafninu

Í mál við mömmu og pabba því þau hentu klámsafninu