Mikill eldur braust út í einni sögufrægustu byggingu heims, Notre Dame-kirkjunni í París síðdegis. Eldur logar enn í kirkjunni og féll hluti kirkjuturnsins um kvöldmatarleytið. Erfiðlega hefur gengið að ráða niðurlögum eldsins, ekki síst í ljósi þess að eldurinn logar í mikilli hæð.
Notre Dame er eitt þekktasta kennileiti Parísar og sú bygging sem flestir ferðamenn heimsækja. Bygging hennar hófst á 12. Öld og lauk henni árið 1345. Því er í raun um ómetanleg verðmæti að ræða í sögulegu samhengi.
Fjölmargir hafa tjáð sig á samfélagsmiðlum um brunann og má í raun segja að margir séu í áfalli. „Þetta er alveg hræðilegt,“ segir einn viðmælandi Sky News.
Þá hafa þjóðarleiðtogar ýmissa ríkja vottað Frökkum samúð sína. „Þetta er hræðileg sjón. Þvílíkur hryllingur. Hugur minn er hjá frönsku þjóðinni,“ segir Jean-Claude Juncker, forseti framkvæmdastjórnar Evrópusambandsins. Angela Merkel, kanslari Þýskalands, tók undir þetta á Twitter og sagðist harmi slegin. „Hugur okkar er hjá frönskum vinum okkar,“ sagði hún.
Óvíst er á þessari stundu hver eldsupptök voru, en eldsins varð fyrst vart í þaki byggingarinnar. Slökkvistarf stendur enn yfir og ljóst að löng nótt bíður slökkviliðsmanna í París.
Hér að neðan má sjá myndbönd af Twitter af brunanum:
WATCH: Notre Dame’s spire collapses into the flames, video from witness Nicolas Marang shows. https://t.co/MaEI5HttSM pic.twitter.com/gHhwMrRYmS
— NBC News (@NBCNews) April 15, 2019
WATCH: Notre Dame Cathedral in Paris engulfed in flames during the holiest week of the year for Catholics https://t.co/Q2Pt0kHC83 pic.twitter.com/NF3noBEzvz
— CBS News (@CBSNews) April 15, 2019
Huge fire breaks out in Paris’ famous Notre Dame cathedral https://t.co/1VcCei95e2 pic.twitter.com/OxZyHVIiWq
— TIME (@TIME) April 15, 2019
Notre Dame spokesperson to French media: „Everything is burning, nothing will remain from the frame.“ https://t.co/Q2Pt0kHC83 pic.twitter.com/UuuCwR0cHk
— CBS News (@CBSNews) April 15, 2019
„An absolutely sickening sight.“
Sky’s @DominicWaghorn is in Paris where the Notre Dame cathedral is on fire. He says he can see flames „flying 20m into the sky“.
Here’s everything we know about the #NotreDame fire: https://t.co/qkqRQ9rBj4 pic.twitter.com/LGiUVH83KF
— Sky News (@SkyNews) April 15, 2019