Fyrir 23 árum skýrðu vísindamenn hjá bandarísku geimferðastofnuninni NASA frá því að loftsteinn, frá Mars, hafi reynst innihalda steingerðar bakteríur. Efasemdir hafa verið uppi um að þetta sé rétt og hefur því meðal annars verið haldið fram að bakteríurnar hafi borist í steininni eftir að hann lenti hér á jörðinni og að ummerkin geti verið eftir eitthvað annað en lífræna ferla.

En það verður hugsanlega til að styrkja hinar tuttugu ára gömlu niðurstöður að nú segjast ungverskir vísindamenn hafa fundið „ummerki um örverulíf“ í loftsteininum ALH-77005. Segja þeir að í honum séu ummerki á borð við áferð og lögun sem örverur hafi hugsanlega skilið eftir sig.

Ungversku vísindamennirnir notuðu háþróaða nútímatækni við rannsóknir á loftsteininum. Þeir segja að með þessari tækni hafi þeir uppgötvað örþræði eftir steingerðar örverur frá Mars. Þeir segja að ummerkin bendi hugsanlega til þess að bakteríur hafi þrifist á Mars og þær hafi lifað á að éta ryð af málmum.

Hægt er að lesa nánar um nýju rannsóknina í Open Astronomy.