CNN skýrir frá þessu. Í stefnunni kemur fram að prinsinn skuldi sjúkrahúsinu 3,5 milljónir dollara og enn bætist við reikninginn því stúlkan fær enn meðferð á sjúkrahúsinu.
Prinsinn hefur aðeins greitt sjúkrahúsinu 750.000 dollara fyrir meðferð stúlkunnar en það gerði hann í desember 2017 þegar stúlkan hafði legið á sjúkrahúsinu í einn mánuð. Hann hefur ítrekað lofað frekari greiðslum en hefur ekki staðið við það.
Stúlkan þjáist af sjaldgæfum sjúkdómi sem hefur áhrif á hreyfingar hennar og líkamsstjórn. Hún mun þarfnast ævilangrar meðferðar. Slík meðferð er ekki í boði í Sádi-Arabíu og bauðst prinsinn til að greiða fyrir meðferðina í Bandaríkjunum en stúlkan er ekki með sjúkratryggingu þar í landi.