Fimm létust þegar suður-kóreskur maður kveikti í íbúð sinni í nótt að íslenskum tíma. Þegar hann hafði borið eld að íbúðinni beið hann í stigagangi fjölbýlishússins og réðst á nágranna sína, sem flúðu eldinn, með hníf. Fimm létust, yngsta fórnarlambið var 12 ára. Þrettán særðust, þrír þeirra eru í lífshættu.
Lögreglan handtók manninn, sem er 42 ára, og stendur rannsókn yfir. BBC skýrir frá þessu. Fram kemur að maðurinn hafi sagt lögreglunni að hann hafi verið reiður vegna vangoldinna launa.