Caycee Bregel rak dýraathvarf heima hjá sér í Minnesota í Bandaríkjunum. Þar hugsaði hún meðal annars um hunda og ketti sem höfðu verið skildir eftir á vergangi. Ekki var annað vitað en að allt væri í stakasta lagi hjá henni og að hún sinnti dýrunum vel.

Þegar nokkrir borgarar kvörtuðu til yfirvalda yfir að svín gengi laust nærri heimili Bregel var eftirlitsmaður sendur á vettvang. Þegar hann opnaði dyrnar að húsi hennar mætti hræðileg lykt honum.

Í húsinu fundu eftirlitsmenn 64 dauða ketti, 43 lifandi ketti, fimm hunda og eitt svín.

„Þetta er ógeðslegt mál og sú sem var með þessi dýr verður að svara til saka fyrir þetta. Ég veit ekki hvað fór úrskeiðis hér. Maður verður að muna að konan reyndi í raun að bjarga dýrunum en kannski var verkefnið erfiðara en hún átti von á.“

Sagði Keith Schiff, eftirlitsmaður, um málið.

Bregel var nýlega dæmd til 200 klukkustunda samfélagsþjónustu og til að sækja sér aðstoð hjá sálfræðingi.