Bandarískur maður og unnusta hans fara nú huldu höfði til að komast hjá því að vera handtekin af taílenskum yfirvöldum. Taílenski sjóherinn gefur þeim að sök að hafa byggt ólöglegt hús úti á sjó. Húsið stendur við strönd Taílands, utan við Phuket, og er lítið og hvítt og stendur á súlum.

Taílensk yfirvöld saka parið um að hafa byggt húsið án þess að hafa til þess tilskilin leyfi. BBC skýrir frá þessu. Taílensk yfirvöld segja að húsið sé staðsett um 19 km frá strönd landsins og sé þar með í landhelgi landsins. Parið heldur því hins vegar fram að húsið sé tæplega 21 km frá landi og þar með utan taílenskrar landhelgi.

Refsing við því að brjóta gegn fullveldi Taílands nemur allt að ævilöngu fangelsi eða dauðarefsing. BBC segir að parið sé hluti af hreyfinunni Ocean Builders en félagar í henni reisa sér hús á alþjóðlegum hafsvæðum til að heyra ekki undir lög neins ríkis.