Læknar í Nýju-Papúa Gíneu vara karlmenn sterklega við að sprauta efnum á borð við kókosolíu eða sílikoni í getnaðarlimi sína til að stækka þá. Læknarnir segja að þetta sé orðið svo algengt að þetta jafnist á við faraldur.

Í umfjöllun The Guardian um málið er haft eftir Akule Danlop, skurðlækni á Port Moresby General Hospital, að hann hafi fengið fimm svona tilfelli til sín í viku hverri síðustu tvö árin og það séu bara þeir sem leita sér aðstoðar, ekki sé vitað hversu margir leiti sér ekki aðstoðar.

Hann sagði einnig að margir þessara karla hljóti alvarlega áverka af þessu. Allt frá óeðlilegum klumpum, sem verða stærri en limurinn, upp í stór sár sem springja. Sumir eiga erfitt með þvaglát og að fá reisn.

Glen Mola, prófessor í þvagfæraskurðlækningum, sagði að margir af körlunum hafi verið blekktir af fólki sem reyni að efnast á óöryggi þeirra varðandi limastærð.

„Þeir eru blekktir til að greiða fyrir stækkun sem endar með alvarlegum skaða. Sumir geta aldrei aftur stundað kynlíf.“

Sagði hann.