Lögregla á Englandi leitar nú að manni sem er grunaður um að hafa brotist inn til barnsmóður sína, ráðist á hana og lamið næstum til dauða.
Britney Salim, þolandi fólskulegrar árásar, liggur nú á gjörgæslu á sjúkrahúsi í Sheffield, Englandi. Hún er með blæðingu í lifur, brotinn kjálka, brot í andlitsmeinum og samfallið lunga.
Lögregla óskar nú eftir öllum sem geta mögulega haft upplýsingar um barnsföður hennar, sem er grunaður um glæpinn.
Talið er að barnsfaðirinn hafi klifrað upp á svalir heimilis Britney og þannig komist inn í húsið.
Britney og barnsfaðir hennar eiga saman 9 mánaða stúlku sem var í pössun hjá frænku sinni. Þegar frænkan ætlaði að skila stúlkunni heim kom hún að Britney stórslasaðri og meðvitundarlausri í rúmi sínu.
Ættingi, sem vill ekki láta nafn síns getið segir að aðkoman hafi verið hræðileg. „Þegar hún kom var Britney nánast við dauðans dyr. Hún var óþekkjanleg. Andlitið á henni var svart og blátt.“
Ættinginn segir að ástand Britney sé stöðugt. Henni er ekki að hraka, en hún er meðvitundarlítil.
„Hún hefur vaknað nokkru sinnum og öskrað. Hún er á morfíni við verkjunum. Móðir hennar er miður sín. Lögreglan hefur ekki náð að taka skýrslu af Britney enn sem komið er því hún getur ekki tjáð sig.“
Rannsóknarlögreglumaðurinn yfir málinu segir: „Í tengslum við rannsókn okkar á alvarlegri árás sem átti sér stað þann 12. apríl á Fox Hill svæðinu erum við nú að leita að Shaka Williams.“
„Ef þið hafið séð hann eða vitið hvar hann heldur sig þá hvet ég ykkur til að hafa samband við okkur.“
