Patricia Hill, 69 ára, var í gær fundinn sek um að hafa skotið eiginmann sinn, Frank Hill, til bana í júlí á síðasta ári. Fyrir dómi sagðist hún ekki hafa áttað sig á að það að skjóta á fætur hans hefði getað orðið honum að bana en hann hafði beygt sig fram á við þegar hún skaut hann. Hún sagðist aðeins hafa ætlað að hræða hann.

Þetta gerðist á heimili þeirra hjóna í Pine Bluff í Arkansas. Ástæðan fyrir morðinu var að Patricia hafði séð nýjasta reikninginn fyrir gervihnattasjónvarpsáskrift þeirra hjóna og sá þá að Frank hafði bætt klámrás við áskriftarpakka þeirra. Þetta fór illa í hana og hún skaut hann tveimur skotum. Hún hafði áður sagt áskriftinni að klámrásinni upp en Frank hafði laumast til að bæta henni aftur við.