Kínversk stjórnvöld sögðu í morgun að þau muni bregðast við tollunum en skýrðu ekki nánar frá hvernig. Þau hafa áður hótað að hækka tollar á bandarískar vörur.
Með hækkuninni í morgun hækka tollar á kínverskar vörur, sem eru fluttar til Bandaríkjanna, úr tíu prósentum í 25 prósent. Þessir tollar ná til vara að verðmæti 200 milljarða dollara. Löndin hafa lengi deilt á viðskiptasviðinu en hafa ekki náð saman um viðskiptasamning.
Donald Trump hefur verið harðorður í garð Kínverja vegna viðskipta ríkjanna og hefur sagt að þeir hafi svikið fyrri samninga margoft. Þessu vísa Kínverjar á bug.