Þó að meðfylgjandi myndband sé stutt sýnir það að slysin gera ekki alltaf boð á undan sér. Þrettán ára piltur slapp vel þegar vegna bílstjóra skólarútu sem var með athyglina á réttum stað.
Pilturinn sem um ræðir, Matthew Squires, var að ganga út úr skólarútunni dag einn fyrir skemmstu. Bílstjórinn, Samanta Call, hafði stöðvað rútuna á réttum stað en óþolinmóður ökumaður fyrir aftan virtist eitthvað illa fyrir kallaður og brunaði fram úr henni hægra megin.
Eins og sést á meðfylgjandi myndbandi munaði aðeins sekúndubrotum að illa hefði farið. Ef Matthew hefði stokkið út úr rútunni aðeins fyrr og Samantha ekki náð að grípa í hann hefði varla þurft að spyrja að leikslokum.
Móðir Matthews segist hafa grátið þegar hún sá myndbandið og er hún afar þakklát Samönthu. Það borgar sig því að fara varlega í umferðinni og á það augljóslega bæði við um ökumenn og gangandi vegfarendur. Það er aldrei að vita hvar hætturnar leynast.
