Það var 1998 sem Morrice sá Trump spila snóker í fyrsta sinn en þá mætti sonur Morrice honum. Morrice heillaðist gjörsamlega af hæfileikum Trump og ákvað að kanna hvaða veðhlutföll væri boðið upp á varðandi Trump hjá veðmálafyrirtækinu Coral.
Þar veðjaði hann 10 pundum á að Trump yrði heimsmeistari í snóker fyrir þrítugt. Veðhlutföllinn voru 1 á móti 1.000 þannig að fyrir þessi 10 pund fékk hann 10.000 pund.
Trump komst í úrslit heimsmeistarakeppninnar 2011 en tapaði þá fyrir John Higgins. En nýlega hefndi Trump ósigursins og sigraði Higgins í sömu keppni og tryggði sér heimsmeistaratitilinn og Morrice 10.000 pund um leið.
Morrice var í raun að renna út á tíma með veðmálið því Trump verður þrítugur í ágúst næstkomandi og þá hefði veðmálið fallið úr gildi.