Þessi orð lét hann falla í myndbandi sem hann birti á YouTube. Það var tekið upp í New Jersey í Bandaríkjunum og er Paludan með Freedom Tower á Manhattan í bakgrunni. Þar stóð World Trade Center áður en eins og kunnugt er eyðilögðust þær byggingar í hryðjuverkaárásunum í september 2001.
Í lok myndbandsins segir Paludan:
„Þetta er orrusta – og óvinurinn er íslam og múslimar. Við getum byrjað á að sjá til þess að óvinurinn sé ekki í landinu okkar, Danmörku, og síðan getum við hugsanlega aðstoðað önnur lönd við að losna við þá. Best væri auðvitað ef það væri ekki einn einast múslimi eftir á jörðinni okkar og ég vona að það gerist dag einn því þá höfum við náð endanlegu markmiði okkar af öryggi.“
Jacob Mchangama, lögmaður og forstjóri hugveitunnar Justitia, sagði í samtali við Berlingske að hann telji Paludan brjóta hegningarlögin með ummælum sínum. Hann geti ekki skilið orð hans öðruvísi en að markmiðið sé að útrýma múslimum.
„Hvenær höfðum við síðast stjórnmálamann sem hvatti til þjóðarmorðs? Hann vill í grunninn drepa tvo milljarða manna.“
Paludan er þó ekki sammála því að hann hvetji til ofbeldis gegn múslimum því útrýming þeirra á að fara fram án þess að einum einasta blóðdropa verði úthellt.
„Það sem ég óska er að allir múslimar skipti annaðhvort um trú eða leggi trú sína niður. Það væri líka best fyrir múslimana sjálfa því það myndi veita þeim persónulegt frelsi.“
Sagði Paludan.
Í myndbandinu segir hann þó:
„Það eina sem múslimar skilja, höfum við frá Bill Warner, er yfirþyrmandi líkamleg valdbeiting. Það er það eina sem múslimar skilja og virða.“
https://www.youtube.com/watch?time_continue=8&v=Ml62afEvRXY