Það var Joe White sem ræddi við drenginn. Hann útskýrði fyrir honum hvernig neyðarlínan virkar og að ekki mætti hringja í hana með erindi sem þetta. Hann ákvað einnig að fara og hitta drenginn að því er segir í umfjöllun ABC News og sagði honum auðvitað að hann vildi vera vinur hans.
White gaf honum tuskudýr, leyfði honum að sitja í lögreglubílnum og eyddi töluverðum tíma með honum. Þetta hefur að vonum vakið jákvæð viðbrögð á samfélagsmiðlum og í fjölmiðlum.
Talsmaður lögreglunnar í Tallahassee sagði að málið væri klassískt dæmi um að lögreglumenn séu manneskjur en ekki vélmenni.