Á síðasta ári setti hún sig í samband við írska útvarpsþáttinn Liveline og bað um aðstoð við að komast að hvort móðir hennar væri enn á lífi. BBC skýrir frá þessu. Fyrr á þessu ári fékk hún síðan símtalið sem hana hafði dreymt um allt sitt líf. Ættfræðingur hafði haft uppi á móður hennar sem býr nú í Skotlandi.
„Þegar ég heyrði þetta var ekkert sem gat aftrað mér frá að reyna að heimsækja hana.“
Sagði Eileen sem fór til Skotlands í apríl til að hitta konuna sem hafði spilað stórt hlutverk í huga hennar alla tíð.
„Hún er falleg kona sem á frábæra fjölskyldu. Þau tóku frábærlega á móti mér.“
Sagði Eileen í samtali við Írska ríkisútvarpið og bætti við að hún svifi á skýi eftir að hafa loks hitt móður sína.
„Ég sagði að við kæmum frá Írlandi og hún sagði: „Ég fæddist á Írlandi.“ Ég sagði: „Veistu hvað, ég er dóttir þín.“ Hún horfði bara á mig og svo tók hún í hönd mér.Ég held að hún hafi ekki alveg skilið þetta en það voru svona tengsl á milli okkar. Þetta var frábært.“
Eileen, sem á tvö börn, komst einnig að því að hún á tvo hálfbræður.
