Þetta kemur fram á vef a4nu.dk. Vísindamennirnir fylgdust með 20.000 sjúklingum með heilahristing og báru saman við jafn stóran hóp fólks sem ekki hafði fengið heilahristing. Samkvæmt niðurstöðunum þá voru einu og hálfu sinni meiri líkur á að þeir sem höfðu fengið heilahristing væru ekki í vinnu fimm árum síðar miðað við samanburðarhópinn.
Haft er eftir Heidi Graff, sem vann að rannsókninni, að niðurstöðurnar hafi í sjálfu sér ekki komið á óvart en munurinn sé meiri en reiknað var með.
Hana Malá Rytter, lektor í taugasálfræði við Kaupmannahafnarháskóla, sagði að líklegt sé að fólk eigi erfitt með að sinna starfi sínu ef það glími við afleiðingar heilahristings en það geta verið viðvarandi verkir eða einbeitingarskortur. Fólk hafi einfaldlega ekki orku til að takast á við meira en það.
Rannsóknin leiddi einnig í ljós að sjúklingar með heilahristing eru í meiri hættu á að andast ótímabærum dauða en aðrir.