„Það er einfaldlega alltof hættulegt að stunda kynlíf með körlum þessa dagana“.
Sagði hún í tísti á Twitter. Milano hefur verið framarlega í flokki þeirra sem berjast fyrir réttindum kvenna og vekja orð hennar yfirleitt mikla athygli.
Í síðustu viku samþykkti þing Georgíuríkis að banna fóstureyðingar frá þeim tíma sem hjartsláttur fóstursins heyrist, það gerist í sumum tilfellum strax á sjöttu viku meðgöngu. Georgía er fjórða ríkið til að fara þessa leið.
„Þar til konur hafa lögfræðileg yfirráð yfir eigin líkömum getum við einfaldlega ekki tekið áhættuna á að verða barnshafandi. Gangið til liðs við mig og haldið ykkur frá kynlífi þar til við fáum aftur að ráða yfir líkama okkar.“
Sagði Milano í upphaflegu tísti sínu á föstudaginn undir myllumerkinu #sexstrike (kynlífsverkfall). Hún hefur að vonum fengið mörg og mismunandi viðbrögð við þessu.
Það kemur kannski einna helst á óvart í þeim að meðal þeirra sem styðja hvatningu Milano er íhaldssamt kristilegt fólk. Það styður hugmyndina út frá þeirri hugmyndafræði að fólk eigi ekki að stunda kynlíf fyrir hjónaband.