Ástæðan er að í lögreglubílum, sem eru notaðir til að flytja lögregluhunda, eru búr fyrir hundana. Búrin þurfa að vera 60 sm á breidd til að uppfylla kröfur um dýravernd. Þetta var lengi ekki vandamál því eldri tegundir af Volvo, sem er sú bílategund sem sænska lögreglan notar mest, voru það rúmgóðar að ekkert mál var að koma svo breiðum hundabúrum fyrir í þeim. Á síðari árum hafa Volvobílarnir hinsvegar ekki komið alveg svona rúmgóðir úr verksmiðjunni og því er ekki hægt að uppfylla kröfurnar.
Af þessum sökum þurfti að kaupa 300 nýja bíla. Fyrir valinu varð Volkswagen Amarok. Sú tegund uppfyllir skilyrðin ekki alveg og því þurfa bílarnir að fara í breytingu áður en hægt er að taka þá í notkun. Heildarkostnaðurinn við kaup á bílunum og breytingu á þeim er um 250 milljónir sænskra króna en það svarar til um 3.100 milljóna íslenskra króna.