Það eitt að drekka tvo bolla af kaffi daglega getur lengt lífið um allt að tvö ár. Þetta er niðurstaða kóreskra vísindamanna sem fóru í gegnum 40 rannsóknir á þessu sviði. Á grunni þeirra komust þeir að þessu og segja að það séu margir kostir við að drekka kaffi ef fólk vill forðast ótímabæran dauða.

The Independent skýrir frá þessu.

Þetta er ekki í fyrsta sinn sem kaffi kemur vel út úr vísindarannsóknum en meðal annars hefur verið sýnt fram á að þrír til fjórir bollar af kaffi á dag geti komið að gagni við að halda aftur af þróun sykursýki 2 og Parkinson.

Niðurstöður nýju rannsóknarinnar hafa verið birtar í vísindaritinu European Journal of Epidemiology.