Þetta segir í tísti frá veitingastaðnum Hawksmoor í Manchester á Englandi. Þar urðu þjóni á þau mistök að bera fyrrnefnda vínflösku á borð fyrir gest veitingastaðarins. Sá hafði ekki pantað hana og vissi ekki hversu dýr flaskan er.
4.500 pund svara til um 700.000 íslenskra króna. En sá sem skrifaði tístið á Twitter fyrir veitingastaðinn gleymdi ekki að minnast á þjóninn seinheppna.
„Til þjónsins, sem fyrir mistök bar flöskuna á borð, brostu! Mistök eiga sér stað og við elskum þig samt sem áður!“
Tístin fóru á mikið flug á Twitter og margir hafa lagt orð í belg. Þá hefur verið bent á að viðbrögð veitingastaðarins hafi komið honum til góða markaðslega séð.
