11 manns voru skotnir til bana á bar í Belem í Brasilíu síðdegis í gær. Samkvæmt fréttum brasilískra fjölmiðla voru fimm konur og sex karlar skotin til bana þegar hópur vopnaðra manna kom inn á barinn og hóf skothríð á gesti. Yfirvöld hafa ekki staðfest tölu látinna en hafa staðfest að fjöldamorð hafi átt sér stað.
Á upptökum frá vettvangi sjást lík fórnarlambanna liggja á jörðinni.
Engar upplýsingar liggja fyrir um ástæðu ódæðisins og enginn hefur verið handtekinn vegna málsins.
Fréttir hafa borist af að morðingjarnir hafi verið grímuklæddir og hafi komið á vettvang á mótorhjóli og í þremur bílum.