Í nótt hringdi kona í lögregluna í Álasundi í Noregi og tilkynnti um yfirstandandi innbrot í Lerstad. Konan sagðist hafa séð fjölda fólks með ljós á höfðinu vera að sniglast í garði nágrannans hefur TV2 eftir talsmanni lögreglunnar.

Konan taldi að innbrotsþjófar væru á ferð og það var til að styrkja grunsemdir hennar að hún sá bíl í nágrenninu.

Lögreglan brást skjótt við og sendi fjölda lögreglumanna á vettvang en þar mætti óvænt sjón lögreglumönnum. Ljósin reyndust vera á sláttuvélmenni sem var að störfum um miðja nótt. Þar var skýringin á ljósaganginum komin.

Talsmaður lögreglunnar sagði að þrátt fyrir að svona hafi verið í pottinn búið að þessu sinni sé mikilvægt að fólk hringi í lögregluna ef það sér eitthvað óeðlilegt og þakkaði hann konunni fyrir árveknina.