Miklir þurrkar eru nú í Norður-Kóreu og segja yfirvöld þá vera þá verstu í 37 ár. Þau hafa hvatt íbúa þessa harðlokaða einræðisríkis til að „berjast“ gegn skemmdum á uppskeru af völdum þurrkanna.

Sameinuðu þjóðirnar segja að allt að 10 milljónir landsmanna þurfi „bráða mataraðstoð“. Segja SÞ að landsmenn hafi aðeins fengið 300 grömm af mat á dag það sem af er þessu ári vegna ástandsins.

Talið er að mörg hundruð þúsund Norður-Kóreumenn hafi látist af völdum mikilla þurrka í landinu á tíunda áratugnum. Ekki talið að þurrkarnir nú séu jafn alvarlegir en samt sem áður koma þeir illa niður á þessari illa höldnu þjóð.

BBC segir að hugsanlega þurfi yfirvöld að flytja inn 1,5 milljónir tonna til að bregðast við uppskerubresti.