fbpx
Fimmtudagur 27.júní 2019
Pressan

Tölvukerfi Baltimore lamað: Þrjótarnir vilja 13 Bitcoin-rafmyntir en borgin ætlar ekki að borga

Ritstjórn Pressunnar
Þriðjudaginn 21. maí 2019 22:05

Borgaryfirvöldum í Baltimore er vandi á höndum.

Ekki missa af Helstu tíðindum dagsins í pósthólfið þitt

Lesa nánar

Tölvuþrjótum hefur tekist að lama tölvukerfi Baltimore-borgar í Bandaríkjunum og það gætu liðið nokkrar vikur, jafnvel mánuðir, áður en það kemst í samt lag aftur.

Um er að ræða svokallaða gagnagíslatökuárás (e. ransomware) og hafa þrjótarnir sem standa að baki gíslatökunni farið fram á að fá 13 Bitcoin-rafmyntir greiddar. Ekki er um neina smápeninga að ræða því myntirnar þrettán eru metnar á rúmlega 12,6 milljónir króna.

Borgaryfirvöld hafa neitað að greiða lausnargjaldið og vinna þess í stað með fulltrúum bandarísku alríkislögreglunnar, FBI, að lausn málsins.

Sambærileg árás var gerð á tölvukerfi Atlanta-borgar á síðasta ári en ólíkt Atlanta er Baltimore ekki með sérstaka tryggingu gegn árásum af þessu tagi. Kostnaðurinn við þetta lendir því allur á borginni.

Árásin nú gerir það að verkum að tölvukerfi Baltimore-borgar er allt að því lamað. Þetta hefur meðal annars áhrif á greiðslur sem borgarbúar geta gert á netinu og þá liggur tölvupóstur og símkerfi starfsmanna í opinbera geiranum niðri. Áhrifin eru þó mun víðtækari.

„Ímyndaðu þér að einhver myndi læðast inn í ráðhúsið í skjóli nætur og taka alla pappíra í húsinu með sér; allar umsóknir um framkvæmdaleyfi og rekstrarleyfi svo dæmi séu tekin. Það er eiginlega það sem tölvuþrjótarnir eru að gera,“ segir Avi Rubin, hugbúnaðarsérfræðingur við Johns Hopkins University, í samtali við NPR.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 14 klukkutímum

Alexander lá fastur í greni bjarnar í mánuð: Nær dauða en lífi þegar honum var bjargað – Sjáðu ótrúlegt myndband

Alexander lá fastur í greni bjarnar í mánuð: Nær dauða en lífi þegar honum var bjargað – Sjáðu ótrúlegt myndband
Fyrir 19 klukkutímum

Frábær veiði í Eystri Rangá

Frábær veiði í Eystri Rangá
Pressan
Fyrir 19 klukkutímum

Setti tveggja ára son sinn í rúmið að kvöldi: Morguninn eftir var hann horfinn

Setti tveggja ára son sinn í rúmið að kvöldi: Morguninn eftir var hann horfinn
Pressan
Í gær

Fjöldi dauðsfalla í ferðamannaparadís – Ótrúleg skýring yfirvalda vekur athygli

Fjöldi dauðsfalla í ferðamannaparadís – Ótrúleg skýring yfirvalda vekur athygli
Pressan
Fyrir 2 dögum

Skelfilegar framtíðarhorfur – Ísinn á Grænlandi verður hugsanlega horfinn innan 1.000 ára

Skelfilegar framtíðarhorfur – Ísinn á Grænlandi verður hugsanlega horfinn innan 1.000 ára