fbpx
Fimmtudagur 27.júní 2019
Pressan

Óttast að kjarnorkuúrgangur á Marshalleyjum komist út í umhverfið – Afleiðingarnar gætu orðið skelfilegar

Ritstjórn Pressunnar
Miðvikudaginn 22. maí 2019 23:00

Úrgangurinn er í þessari hvelfingu á Marshalleyjum.

Ekki missa af Helstu tíðindum dagsins í pósthólfið þitt

Lesa nánar

Á árunum 1946 til 1958 framkvæmdu Bandaríkjamenn fjölmargar tilraunir með kjarnavopn á Marshalleyjum, litlu eyríki í Vestur-Kyrrahafi. Eyjarnar voru eitt sinn í umsjá Bandaríkjanna, eða allt til ársins 1979, að lýðveldi var stofnað.

Mikið magn geislavirks úrgangs myndaðist við tilraunir Bandaríkjanna og brugðu Bandaríkjamenn á það ráð að grafa hann í jörðu niðri, í einskonar „kistu“. Þannig var komið í veg fyrir – að sinni að minnsta kosti – að úrgangurinn kæmist út í umhverfið.

En umrætt geymslurými var ekki búið til með það fyrir augum að endast til eilífðar og hafa sérfræðingar nú áhyggjur af því að geislavirkur úrgangurinn fari að leka út í umhverfið. Ekki þarf að fjölyrða um afleiðingar þess fyrir lífríki sjávar.

António Guterres, aðalritari Sameinuðu þjóðanna, kynnti sér aðstæður á svæðinu á dögunum og segir hann að tvennt valdi sérstökum áhyggjum; annars vegar skortur á viðhaldi á svæðinu og hins vegar hækkandi yfirborð sjávar.

Í frétt Washington Post um málið kemur fram að ekki þurfi endilega mikið til að slys verði. Þannig geti mikið óveður sett strik í reikninginn og gert það að verkum að kjarnorkuúrgangur komist út í umhverfið. Bent er á það að Marshalleyjar hafi ekki fjárhagslegt bolmagn til að ráðast í endurbætur á kistunum sem geyma kjarnorkuúrganginn. Alþjóðsamfélagið þurfi því að bregðast við svo ekki fari illa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 15 klukkutímum

Stórhættulegur leikur erlendra ferðamanna á Mallorca

Stórhættulegur leikur erlendra ferðamanna á Mallorca
Pressan
Í gær

Hann fannst látinn á ströndinni: 10 árum síðar veit enginn hver hann var eða hvaðan hann kom

Hann fannst látinn á ströndinni: 10 árum síðar veit enginn hver hann var eða hvaðan hann kom
Pressan
Í gær

Ótrúleg viðbrögð móður: Þarna hefði getað farið illa – Sjáðu myndbandið

Ótrúleg viðbrögð móður: Þarna hefði getað farið illa – Sjáðu myndbandið
Pressan
Fyrir 2 dögum

Skelfilegar framtíðarhorfur – Ísinn á Grænlandi verður hugsanlega horfinn innan 1.000 ára

Skelfilegar framtíðarhorfur – Ísinn á Grænlandi verður hugsanlega horfinn innan 1.000 ára
Pressan
Fyrir 2 dögum

Enn einn ferðamaðurinn deyr á dularfullan hátt

Enn einn ferðamaðurinn deyr á dularfullan hátt