Þýski sirkusinn Roncalli var stofnaður 1976 og hefur starfað síðan. Nú hafa stjórnendur hans ákveðið að fara nýjar leiðir til að hlífa dýrum og koma í veg fyrir misþyrmingar á þeim. Í stað dýra notast sirkusinn nú við heilmyndir.

Sirkusstjórinn segir að í flestum sirkusum heims nú til dags séu flest atriðin framkvæmd af listamönnum og trúðum en ekki dýrum og því hafi sirkusinn ákveðið að hætta að nota dýr á sýningum sínum. Nú sé áherslan á listræn atriði og fimleikaatriði.

Gestir sirkussins fá því nú að njóta óvenjulegrar dýrasýningar þar sem heilmyndir eru notaðar. Jan Creamer, forseti Animal Defenders Internation, segir að þetta sé framtíðin í sirkusum heimsins. Atriði sem allir geti notið án þess að dýrum sé misboðið.

https://www.facebook.com/culturacolectivaplus/videos/261364547904520/?t=0