Newson hafði ekki blandað sér í mál Van Houten áður en forveri hans í starfi, Jerry Brown, hafði tvisvar áður ógilt ákvarðanir reynslulausnarnefndarinnar um reynslulausn til handa Van Houten.
Newsom segir að enn stafi ógn af Van Houten þrátt fyrir að hún hafi setið í fangelsi í tæplega hálfa öld og hafi fengið mikið hrós fyrir hegðun sína í fangelsinu. Newsom sagði í yfirlýsingu að hann viti að Van Houten hafi lagt mikið á sig til að verða betri manneskja og að hún hafi verið ung að árum þegar hún framdi afbrot sín. Á hinn bóginn hafi hann áhyggjur af hlut hennar í morðunum og möguleikanum á að hún myrði á nýjan leik.
Van Houten var aðeins 19 ára þegar hún og fleiri áhangendur Manson stungu LaBianca hjónin til bana í ágúst 1969. Morðin voru framin degi eftir að aðrir áhangendur Manson myrtu leikkonuna Sharon Tate og fjóra aðra í Los Angeles.