Þetta kemur fram í umfjöllun Danska ríkisútvarpsins (DR) um þennan málaflokk en miðillinn gerði nokkur hlaðvörp þar sem fjallað var um þetta.
„Við vorum par í eitt og hálft ár og ég veit að ég beitti hann kynferðislegu ofbeldi. Hann sagði ekki nei en það var oft sem hann barðist á móti. En ég neyddi hann.“
Sagði hún í samtali við DR. Hún sagði að hún hafi áttað sig á hvað hún gerði piltinum þegar hún hlustaði á fyrrnefnd hlaðvörp.
„Mér leið eins og algjörum bjána og ég vildi svo gjarnan breyta því sem ég gerði ef ég gæti.“
Sagði hún og bætti við:
„Þegar ég vildi stunda kynlíf með honum og hann vildi frekar sofa varð ég stundum móðursjúk. Þá hugsaði ég með mér að þetta tæki bara tíu mínútur og þá væri þessu lokið. En nú veit ég að það er mjög brenglað að hafa þessa sýn því mér var alveg sama um tilfinningar hans. Ef hann sofnaði reyndi ég að vekja hann til að suða í honum um kynlíf. Ég þoldi ekki að hann sofnaði á undan mér ef við höfðum ekki stundað kynlíf áður.“
„Við gátum ekki farið í samkvæmi saman án þess að ég suðaði í honum um kynlíf því ég gat ekki hugsað mér að fara heim án þess að stunda kynlíf. Fyrir mér snerist þetta um að gera eitthvað líkamlegt til að vekja áhuga hans. Ég veitti honum munngælur og settist ofan á hann þegar hann svaf svo hann vaknaði til að við gætum stundað kynlíf þrátt fyrir að hann vildi það eiginlega ekki.“