Francis Collins, framkvæmdastjóri National Institutes of Health í Bandaríkjunum, ætlar ekki að mæta á neinar pallborðsumræður nema pallborðið innihaldi konur. Collins tjáði frá þessu á heimasíðu NIH.
„Það er áberandi að það vanti konur og aðra hópa sem fá minni athygli í vísindum til að tala á fundum og vísindaráðstefnum.“
Collins sagði að hann búist við jöfnum leikvelli fyrir vísindamenn á þeim viðburðum sem hann mætir á.
„Ef jafnrétti er ekki veitt nógu mikilli athygli þá mæti ég ekki“
Collins fær boð á um 125 viðburði á ári, ýmist sem fyrirlesari eða þátttakandi í pallborðsumræðu.
Maryam Zaringhalam, stjórnarmeðlimur í félaginu 500 Women Scientists, fagnar ákvörðun Collins.
„Bara með því að kynna til leiks þennan smá núning í það hvernig við hugsum um boð á viðburði er hann að senda mjög öflug skilaboð“
500 Women Scientists vinnur að því að konur, meðlimir í LGBTQ+ samfélaginu og aðrir minnihlutahópar fái að tilheyra stjórnarstöðum í vísindasamfélaginu.
Zaringhalam vonar að fleiri karlmenn fylgi fordæmi Collins. Hún vonar að skipuleggjendur viðburða sem Collins neitar að mæta á muni taka það til sín og bjóða einstaklingi úr minnihlutahóp í staðinn.