Við göngum á engisprettuteppum, segja íbúar eyjarinnar en engisprettusveimar hafa eyðilagt uppskeru og ráðist á hús á ítölsku eyjunni Sardiníu, að sögn bændasamtaka á eyjunni er innrásin sú versta í 70 ár.

Engispretturnar hafa herjað á yfir 2.500 hektara beitilands í Nuoro héraði. Við göngum á engisprettuteppum segja íbúarnir.

Algengt er að engisprettur herji á Sardiníu á sumrin, en samkvæmt bónda á svæðinu, hefur ekki sést annars eins faraldur síðan seinni heimstyrjöldinni lauk. Veðurfar síðustu tveggja ára er aðalástæða þessa mikla fjölda.

„Það voru þurrkar árið 2017 og miklar rigningar 2018 og það eru fullkomnar aðstæður fyrir engisprettur að fjölga sér,“ sagði talsmaður bændasamtaka á svæðinu. „Það er ekkert sem við getum gert við þessu í ár,“ segir hann í viðtali við Reuters og bætir við að hætta sé á að eingsprettusveimarnir verði enn stærri á næstu árum ef ekki verði farið í einhverjar aðgerðir til að sporna við þessu.