Hollenska flugfélagið, KLM, vinnur nú með háskólanum við að þróa V-laga flugvél, þar sem farþegarnir munu koma til með að sitja inni í vængjum vélarinnar. Þessi hönnun á að gera það að verkum að flugvélin noti minna eldsneyti.
Hin framúrstefnulega hönnun á að gera „The Flying V“ léttari og gera það að verkum að hún kljúfi loftið betur, segir í yfirlýsingu frá KLM og Delft University of Technologi. Samkvæmt hönnuðunum mun flugvélin nota 20% minna eldsneyti en Airbus A350 vélin, sem er ein fullkomnasta flugvél í heimi.
Frumgerð V-flugvélarinnar gæti verið tilbúin strax í haust. Samkvæmt CNN mun samt verða bið á því að maður geti ferðast með svona flugvél, hún komi ekki í almenna notkun fyrr en um 2040.
Justus Benad, nemi við Tænkiháskólann í Berlín, fékk fyrstur hugmyndina að „The Flying V“. Delft University of Technologi tók svo við keflinu og hefur háskólinn nú fengið KLM í lið með sér. Flugvélin mun geta flutt 314 farþegar, til samanburðar má geta þess að Airbus A350 getur flutt frá 300 til 350 farþega. Flugvélin er minni en Airbus vélin, en hefur sama vænghaf, sem þýðir að hægt er að nýta hana á nútíma flugvöllum, þar sem hún þurfi jafnmikið pláss og Airbus við flughliðin, á flugbrautunum og í flugskýlunum.
Ástæða þess að V-flugvélin mun verða umhverfisvænni kostur á löngum flugleiðum er sú að hönnun vélarinnar tryggir minni loftmótsöðu. Þetta gerir það að verkum að V-flugvélin mun nota minna eldsneyti.
Á hefðbundnum flugélum í dag eru hreyflarnir staðsettir undir vængjunum, en á V-vélinni munu hreyflarnir liggja ofaná vængjunum. Samkvæmt KLM munu hreyflarnir, sem notaðir verða, vera sparneytnustu túrbómótorar sem til eru, þeir verða einnig þannig úr garði gerðir að í framtíðinni verði hægt að nota rafmagnsmótora. Samkvæmt talsmanni flugfélagsins er ennþá langt í að hægt verði að nýta rafmagnsmótora á löngum flugleiðum.
Samkvæmt talsmanni KLM eru rafmagnsflugvélar allt of þungar til þess að hægt sé að nota þær til að flytja fólk yfir Atlantshafið, þær verði það líka eftir 30 ár. Það þurfi því að finna aðrar lausnir til að minnka eldsneytisnotkun.
Hópurinn sem vinnur að verkefninu vonast til þess að verða tilbúinn með frumgerð vélarinnar strax í september á þessu ári. Vonast hópurinn til að geta sýnt fram á að flugvélin sé jafn góð og talið er.