Tæplega 5.000 villtir svartir nashyrningar eru eftir í Afríku og aðeins 1.000 svartir nashyrningar af austur stofni. Báðar tegundir eru í hættu vegna veiðiþjófnaðar. Fimm kvendýr og tvö karldýr á aldrinum tveggja til níu ára voru valin til að vera send í Akagera þjóðgarðinn. Öll dýrin fæddust í Evrópu og hafa verið í dýragörðum allt sitt líf, þrjú í Tékklandi, eitt í Danmörku og eitt í Bretlandi.
Dýragarðarnir hafa gefið Rúanda dýrin í þeirri von að þau geti styrkt stofn svartra nashyrninga í austanverðri Afríku. Þeir hafa verið þjálfaðir til að verða sleppt lausum út í náttúruna og einnig hafa þeir fengið undirbúning vegna hins langa ferðalags til Rúanda. Sky skýrir frá þessu.
Í Akagera þjóðgarðinum hefur tekist vel til við að glíma við veiðiþjófa og hefur nær algjörlega tekist að koma í veg fyrir veiðiþjófnað þar á undanförnum árum. Af þeim sökum hefur verið hægt að taka nýjar tegundir inn í garðinn. Þar á meðal eru ljón sem komu þangað 2015 og hafa síðan þrefaldað fjölda sinn.