fbpx
Miðvikudagur 17.júlí 2019  |
Pressan

Heimamenn eyðilögðu hátíð nýnasista með snilldarbragði

Kristján Kristjánsson
Þriðjudaginn 25. júní 2019 07:01

Norrænir nýnasistar í mótmælagöngu. Mynd/Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Um helgina ætluðu nýnasistar að halda hátíð í austurþýska bænum Ostritz. Það fór ekki vel í yfirvöld og heimamenn sem gripu til sinna ráða til að koma í veg fyrir að hátíðin færi fram. Óhætt er að segja að óvenjulegum brögðum hafi verið beitt.

Fyrst fjarlægði lögreglan allt alkóhól á hátíðarsvæðinu því dómur hafði verið kveðinn upp um að áfengisneysla væri bönnuð á svæðinu. Raunum nýnasistanna var ekki þar með lokið því næst tæmdu íbúar bæjarins áfengi úr öllum verslunum á svæðinu. Lögreglan lagði hald á 4.400 lítra af bjór og heimamenn keyptu ótilgreint magn.

Þar með máttu á milli fimm- og sexhundruð þátttakendur komast í gegnum hátíðina „Schild und Schwert“ (Skjöldur og sverð), sem fram fór í Ostritz á föstudag og laugardag, algjörlega án alkóhóls.

Samkvæmt tölum frá þýsku leyniþjónustunni búa um 12.700 hægri öfgamenn, sem mögulega gætu verið ofbeldisfullir, í Þýskalandi.

Angela Merkel, kanslari Þýskalands, sagði á laugardag, að enn stafaði ógn af hægri öfgamönnum, nýlegt morð á þýskum stjórnmálamanni sýni fram á þetta. Merkel sagði að það yrði að berjast gegn hægri öfgamönnum og að stjórnvöld taki ógnina sem stafi frá þeim mjög alvarlega.

Morðið á stjórnamálamanninnum, Walter Lübcke, sem var í sama flokki og Merkel, vakti mikinn ugg meðal Þjóðverja. Walter Lübcke, sem var 65 ára, fannst særður á veröndinni við hús sitt, rétt eftir miðnætti hinn 2. Júní. Hann var úrskurðaður látinn tveimur tímum síðar.

Samkvæmt þýskum fjölmiðlum höfðu Lübcke borist líflátshótanir – mögulega vegna frjálslyndar stefnu hans í málum flóttamanna. 45 ára gamall hægri öfgamaður hefur verið handtekinn fyrir morðið, eftir að DNA úr hinum fannst á vettvangi glæpsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Vísindamenn óttast að stór jarðskjálfti ríði yfir Istanbúl – Vænta mikils manntjóns

Vísindamenn óttast að stór jarðskjálfti ríði yfir Istanbúl – Vænta mikils manntjóns
Pressan
Fyrir 2 dögum

Boða verkföll á Heathrowflugvelli – Mun hafa mikil áhrif á ferðir fólks

Boða verkföll á Heathrowflugvelli – Mun hafa mikil áhrif á ferðir fólks
Pressan
Fyrir 2 dögum

Aðdáendur Michael Jackson stefna meintum fórnarlömbum hans – Krefjast einnar evru í bætur

Aðdáendur Michael Jackson stefna meintum fórnarlömbum hans – Krefjast einnar evru í bætur
Pressan
Fyrir 3 dögum

Regnskógar Amazon minnka um einn fótboltavöll á hverri mínútu

Regnskógar Amazon minnka um einn fótboltavöll á hverri mínútu