Litli brúni hvolpurinn sat þolinmóður í vegkantinum. Hann var hræddur um að fara úr stólnum ef ske kynni að eigendurnir kæmu aftur.
Eftir að hafa beðið lengi í stólnum kom loksins manneskja til hjálpar en hundurinn var þá orðinn vannærður. Hringt var í dýraeftirlitið og fulltrúi frá þeim, Sharon Norton, kom til hjálpar.
Sharon var snortin af þeirri þrjósku sem hvolpurinn sýndi. Hann vildi alls ekki fara úr stólnum þrátt fyrir að vera glorhungraður.
Sharon deildi þessari sorglegu sögu af hvolpinum á Facebook síðu sinni.
„Til manneskjunnar sem skildi hvolpinn sinn eftir í þessum stól, hann var að bíða eftir að þú kæmir aftur. Hann var hægt og rólega að deyja úr hungri því hann þorði ekki að fara úr stólnum til að finna mat. Skammastu þín“
Sharon náði á endanum að sannfæra hvolpinn um að koma með sér heim. Hann hefur nú fengið að borða og læknisskoðun er næst á dagskrá.
Nú er unnið að því að finna nýtt heimili fyrir hvolpinn en passað verður sérstaklega upp á að nýir eigendur hugsi betur um hann.
