Askan var um borð í Falcon Heavy eldflaug fyrirtækisins ásamt 24 gervihnöttum, sólarsegli, atómúri og fleiru. Fyrirtækið Celestis greiddi SpaceX fyrir að flytja öskuna út í geim. Á heimasíðu fyrirtækisins kemur fram að það kosti 5.000 dollara að senda ösku sína á sporbraut um jörðina en 12.500 dollara ef hún á að fara á braut um tunglið.
Geimskotið á þriðjudaginn gekk að óskum. Það gekk líka vel á sínum tíma að senda rauðu Tesluna út í geim en þó urðu þau mistök að henni var skotið of langt. í stað þess að fara á braut um sólina á sömu braut og Mars endaði hún í loftsteinabelti sem er á milli Mars og Júpíter. Þar mun Teslan vera á sporbraut um sólina til eilífðar nema hún lendi í árekstri eða einhverjum detti í hug að sækja hana í framtíðinni.